ადგილმდებარეობა

თბილისი

სამუშაო საათები

სტანდარტული

ბოლო ვადა

13 ოქტომბერი, 2022

აღწერა

ვაცხადებთ ვაკანსიას უმცროსი სპეციალისტის (ფინანსების მიმართულებით) პოზიციაზე.

ადგილმდებარეობა: თბილისი, სათავო ოფისი., FRS და გარე ანგარიშგების განყოფილება,

ჩვენ ვეძებთ მოტივირებულ, შედეგსა და გუნდურ მუშაობაზე ორიენტირებულ ახალგაზრდებს, ვისაც აინტერესებთ და აქვთ მიდრეკილება ფინანსებისადმი.

ფინანსური მიმართულებით სტაჟირების პროგრამა საშუალებას გაძლევთ შეიქმნათ რეალური შესაძლებლობა გახდეთ კომპანიის გუნდის წევრი, რომელიც სწრაფად ცვალებადი ბიზნეს პრიორიტეტებისა და საბაზრო პირობების გათვალისწინებით მუდმივად იყენებს ინოვაციურ სისტემებსა და უახლეს ტექნოლოგიებს.              

თქვენი წარმატება ფასდება პროგრამის ყველა ეტაპზე. პროგრამის დასასრულს განიხილება ყველა წარმატებული მონაწილის დასაქმების შესაძლებლობა „ლიბერთი“-ის ფინანსური მიმართულებით სხვადასხვა პოზიციებზე.

     რას ისწავლით:

• იქნები ძლიერი და კომპეტენტური ფინანსების გუნდის წევრი;
• შეისწავლი ბანკის საბუღალტრო აღრიცვისა და IFRS აღრიცხვის პრინციპებს;
• სიღრმისეულად შეისწავლი ფინანსურ რეპორტინგს და მონაცემთა ანალიზს;
• ისწავლი ფინანსური მომგებიანობის შეფასებას;
• გექნება კომუნიკაცია ბანკის სხვადასხვა დეპარტამენტებთან;
• გაეცნობი საბანკო რეგულაციებს და ჩაერთვები საზედამხედველო რეპორტინგში;          

      რას  ველით:

• სტაჟირების განმავლობაში თქვენგან მოველით პროგრამის სრული რესურსის გამოყენებას, რაც დაგეხმარებათ: შეაფასოთ თქვენი ძლიერი მხარეები და მიმართულებები შემდგომი განვითარებისათვის, შეიძინოთ სიღრმისეული ცოდნა, მნიშვნელოვანი გამოცდილება და შედეგად შეიქმნათ გრძელვადიანი წარმატებული კარიერის შესაძლებლობა.

ძირითადი მოთხოვნები:

• სამეთვალყურეო საბჭოს ყოველთვიური რეპორტის მომზადება;
• გარე აუდიტთან ურთიერთობის პროცესში ინტენსიური ჩართულობა ლიბერთი ბანკის ფინანსური ანგარიშგების აუდიტის მიმდინარეობის მთლიანი პროცესის განმავლობაში;
• განყოფილების საჭიროებისამებრ ამოცანების დასახვა პროგრამისტებისთვის, პროექტის მართვა და გატესტვაში მონაწილეობის მიღება;
• ყოველთვიური, ყოველკვარტლური რეპორტების IFRS ანგარიშგებების მომზადება/მომზადებაში მონაწილეობის მიღება;
• ბანკის შიდა სტრუქტურებიდან სხვადასხვა სახის ერთჯერადად მიღებული დავალებების შესრულება.

საკვალიფიკაციო მოთხოვნები:

• სრული უმაღლესი განათლება/ბაკალავრი/სტუდენტი - მათემატიკა/ფინანსები/საბანკო საქმე/ეკონომიკა/ბიზნეს ადმინისტრირების მიმართულებით;

• ფინანსური აღრიცხვის საფუძვლების ცოდნა;
• კორპორაციული ფინანსების ცოდნა;
• მიკრო და მაკროეკონომიკის საფუძვლების ცოდნა;

• MS Word-ის, MS Excel-ის და Powerpoint ცოდნა;
• SQL-ის საბაზისო ცოდნა (საურველია);
• ინგლისური ენის ცოდნა.

რა უნარები დაგჭირდებათ:

• ანალიტიკური და კრიტიკული აზროვნება;
• ძლიერი ინტერესი და მიდრეკილება ფინანსებისადმი;
• ყურადღება დეტალების მიმართ;

• აქტიურობა, სისხარტე, ორგანიზებულობა;
• პასუხისმგებლობის მაღალი ხარისხი;
• დროის ეფექტურად მართვის უნარი;
• გადაწყვეტილების მიღება და პასუხიმგებლობის აღება;
• კომუნიკაბელურობა;
• კრეატულობა.

როგორ მოგვმართოთ:

დაინტერესების შემთხვევაში, გთხოვთ, წარმოადგინოთ თქვენი CV ქართულ ან ინგლისურ ენაზე, შემდეგ ელექტრონულ მისამართზე: career@libertybank.ge  2022 წლის 13 ოქტომბრის ჩათვლით.

მნიშვნელოვანია: გთხოვთ, განაცხადის გამოგზავნისას ‘’subject line"-ში მიუთითეთ პოზიცია და კონკრეტული ლოკაცია, რომელზეც შემოგაქვთ განაცხადი.
დაკავშირება მოხდება შერჩეულ კანდიდატებთან. სატელეფონო ზარებით ინფორმაციის გაცემა შეუძლებელია.

შეტყობინება: ლიბერთი ბანკი პატივს სცემს პერსონალურ მონაცემთა დაცვის თაობაზე მოქმედ რეგულაციებს და თავის საქმიანობას წარმართავს „პერსონალურ მონაცემთა დაცვის შესახებ“ საქართველოს კანონის მოთხოვნათა შესაბამისად.

ნებისმიერი პერსონალური მონაცემი, რომელიც ლიბერთი ბანკისთვის ხელმისაწვდომი გახდება  ბანკში გამოცხადებულ ამა თუ იმ ვაკანსიაზე განაცხადების განხილვისას, რაც მოიცავს, მაგრამ არ შემოიფარგლება თქვენს CV-სა ან/და მის თანდართულ დოკუმენტებში მოცემული მონაცემებით (შემდგომში „კანდიდატის პერსონალური მონაცემები“), შეგროვდება და დამუშავდება ვაკანსიაზე თქვენი განაცხადის შენახვისა და განხილვის, ასევე კანდიდატთა შერჩევის პროცესში თქვენი დაშვების მიზნით, ბანკის მონაცემთა დაცვის პოლიტიკისა (რომელიც ხელმისაწვდომია ბანკის ოფიციალურ ვებ გვერდზე https://bit.ly/3bt6uWz და საქართველოს მოქმედი კანონმდებლობის შესაბამისად.

კანდიდატის პერსონალური მონაცემები შეინახება არაუმეტეს 3 (სამი) წლის ვადით (ან კანონით დადგენილი მეტი/ნაკლები ვადით).

კანდიდატის პერსონალური მონაცემების უშუალოდ იმ ვაკანსიაზე განხილვის გარდა, რომელზეც გამოაგზავნეთ განაცხადი, ლიბერთი ბანკმა შესაძლოა შეინახოს და გამოიყენოს აღნიშნული მონაცემები თქვენი კანდიდატურის სხვა პოზიციაზე განსახილველად. თუ თქვენ წინააღმდეგი ხართ, თქვენი კანდიდატურა განხილულ იქნას სხვა პოზიციაზე ან გსურთ ბანკმა შეწყვიტოს მონაცემების დამუშავება, შეგიძლიათ დაუკავშირდეთ ლიბერთი ბანკს (ვებ გვერდზე www.libertybank.ge მითითებულ საკონტაქტო მონაცემებზე).

გაითვალისწინეთ, რომ კანდიდატის პერსონალური მოანცემების ბანკისათვის გაგზავნით, თქვენ ადასტურებთ, რომ გაეცანით წინამდებარე შეტყობინებას და თანახმა ხართ, თქვენი პერსონალური მონაცემები შეგროვდეს, შენახულ იქნას, გადაიცეს ან/და დამუშავდეს ზემოთ ხსენებული ფორმით. ყოველივე აღნიშნულზე თანხმობა აუცილებელი პირობაა ლიბერთი ბანკში ნებისმიერ პოზიციაზე თქვენი კანდიდატურის  განსახილველად.

წინამდებარე შეტყობინება არ განიხილება, როგორც ლიბერთი ბანკში დასაქმებულის ინდივიდუალური შრომითი ხელშეკრულების ნაწილი.