ბანკომატები
იხილეთ ლიბერთის ბანკომატები
ცეკვის საღამოები ლიბერთისგან
ლიბერთიმ სოციალური პასუხისმგებლობის პროექტის ფარგლებში საზაფხულო აქტივობები წამოიწყო. ღონისძიებების მიზანი უფროსი თაობისთვის დასვენების, მეგობრების შეძენისა და სოციალიზაციის სივრცეების შექმნაა.
საზაფხულო აქტივობების ერთ-ერთი ნაწილია ცეკვის საღამოები:
„დიდი ვალსი ლიბერთისგან“ - ცეკვის საღამოების პროექტის ფარგლებში პირველი ღონისძიება 26 მაისს, ვასო გოძიაშვილის სახელობის ბაღში გაიმართა. ჩვენ მიერ შექმნილ სპეციალურ საცეკვაო სივრცეში რეტრო ცეკვების საღამო მოეწყო, სადაც მონაწილეობდნენ როგორც უფროსი თაობის წარმომადგენლები, ისე პარკის სტუმრები.
ცეკვის საღამოების მომდევნო ინიციატივა უფროსი თაობისთვის ტანგოს უფასო გაკვეთილები იყო.
„ტანგო ლიბერთისგან“ - ამ სახელით ღონისძიებები 15 ივნისს და 6 ივლისს ვასო გოძიაშვილის სახელობის ბაღში გაიმართა. ღონისძიების სტუმრებს საშუალება ჰქონდათ ტანგოს აკადემიისგან ღია გაკვეთილში მიეღოთ მონაწილეობა.
დადებითი გამოხმაურების შემდეგ, ტანგოს საღამო ბათუმსაც ესტუმრა - პიაცას მოედანზე ადგილობრივებს, ქალაქის სტუმრებს და 60+ ადამიანებს ტანგოს აკადემიის წარმომადგენლებმა ღია გაკვეთილი ჩაუტარეს.
ცეკვის საღამოები მომავალშიც გაგრძელდება და ეტაპობრივად მოიცავს საქართველოს სხვადასხვა ქალაქებს.
